Wenger është i penduar vetëm për njërin

Futboll

Wenger është i penduar vetëm për njërin

Më: 10 nëntor 2021 Në ora: 11:27
Wenger është i penduar vetëm për njërin

Me profesion ekonomist, Arsene Wenger do të mbahet mend jo vetëm si një menaxher i mirë i financave, por edhe si njeriu që e ngriti Arsenalin në elitën e futbollit britanik.

Ai mori drejtimin e “Topçinjëve” në vitin 1996 dhe i drejtoi pa shkëputje deri në vitin 2018, kur u dorëhoq.

Bilanci i tij, përveç tre titujve kampionë të Anglisë dhe shtatë Kupave FA është edhe 500 lojtarë të shitur në 22 vite në drejtimin e Arsenal.

Mes emrave të larguar nga Wenger është edhe Therry Henry. Francezi nuk është i penduar për transfertat, me përjashtim të njerës. Sot në moshën 72-vjeçare Ëenger rrëfen pengun e merkatos dhe ai mban emrin Nicolas Anelka.

Anelka mbërriti të Arsenal për shifrën e 500 mijë paundëve dhe në moshën 17-vjeçare. Pavarësisht moshës, ai udhëhoqi sulmin e Arsenal në gjysmën e dytë të sezonit 1997-1998, duke u shpallur në fund të kampionatit edhe lojtari më i mirë i ri i Premier League.

Kjo bëri që Real të kërkonte shërbimet e tij me ngulm, duke i ofruar Arsenalit 23 milionë paundë. Paratë u përdorën për blerjen e Thyerry Henry më pas. Por, Wenger thotë se është penduar për shitjen e Anelka, pasi në atë kohë ka pasur si objektiv që Anelkan dhe Henry-n t’i bënte bashkë te Arsenal.

Sa i takon Anelka, francezi dështoi që të linte gjurmë në Madrid, çka çoi më pas në një karrierë prej nomadi të tij.

comment Për komente lëvizni më poshtë
Sot mund të lexoni Shfletoni kopertinat