Tri klube të La Ligas e duan Kumbullën

Futboll

Tri klube të La Ligas e duan Kumbullën

Më: 14 gusht 2025 Në ora: 14:23
Marash Kumbulla

Marash Kumbulla do të largohet përfundimisht nga Roma, ndërsa Cagliari është në bisedime me klubin kryeqytetas për t’i siguruar shërbimet e qendërmbrojtësit shqiptar.

Mirëpo, për ish-futbollistin e Hellas Veronës, në garë kanë hyrë disa klube spanjolle pas paraqitjeve të tij të mira në Espanyol, ku luajti në sezonin e kaluar në formë huazimi.

Sipas gazetarit sportiv italian, Matteo Moretto, janë tre klube të La Ligas që e duan përfaqësuesin shqiptar: Alavesi, Mallorca e Vedat Muriqit dhe Sevilla, përcjell “Gazeta Express”.

Ndërkaq, për momentin Espanyoli është tërhequr nga interesimi për ta pasur përsëri në ekip Kumbullën pasi e ka të plotësuar fazën defanzive.

Në ditët në vazhdim mbetet të shihet se cila do të jetë preferenca e qendërmbrojtësit shtatlartë, i cili nuk bën pjesë në planet e Romës.

comment Për komente lëvizni më poshtë
Sot mund të lexoni Shfletoni kopertinat