Liderja e Superligës së Kosovës, Istogu, paralajmëron kampionen në fuqi Ferizaj, se janë në formë më të mirë dhe nuk janë ajo ekip e vitit të kaluar.
“Kampionatit të rregullt lojë pas loje i erdhi fundi, në këtë vikend luhet xhiroja e fundit e 22-të më radhë, kundërshtari i radhës i skuadrës së Istogut është Ferizaj, ndeshja zhvillohet të shtunën nga ora 17:00 me çka përfundon edhe faza e rregullt e kampionatit.
Menjëherë në mesjavë fillon Play - Off-i ku skuadra e Istogut fillon nga pozita e parë misionin për titull të kampionit të Kosovës”, njofton KHF Istogu.
Ferizajt i mjafton një pikë që të futet në play-off. Ndeshja do të luhet në palestrën e sportit “Bill Clinton”. Istogu kryeson me 42 pikë dhe Ferizaj është në vend të katërt me 31 sosh.