Përzgjedhësi i Kombëtares së meshkujve të Luksemburgut, Didier Dinart, ka publikuar listën me 24 hendbollistë të ftuar për dy ndeshjet e para të kualifikimeve për Kampionatin Evropian 2028.
Luksemburgu do t'i nisë kualifikimet me ndeshjen si mysafir ndaj Maqedonisë së Veriut, përpara se të përballet me Suedinë në shtëpi.
Në listën e publikuar nga Dinart janë gjashtë hendbollistë që aktivizohen në kampionate të huaja: tre në Gjermani, dy në Francë dhe një në Qipro.
18 lojtarët e tjerë vijnë nga klubet vendore Esch, Berchem, Dudelange dhe Käerjeng. Përfaqësuesi më i madh në këtë listë është Esch, nga i cili vijnë më së shumti hendbollistë të ftuar.
Përballja ndërmjet Maqedonisë së Veriut dhe Luksemburgut do të zhvillohet më 4 nëntor, me fillim nga ora 19:00, në palestrën sportive “Boris Trajkovski”.
Në kuadër të xhiros së dytë, Maqedonia e Veriut do të përballet me Greqinë, ndërsa Luksemburgu do të presë Suedinë.