Paraqitje e mirë e Prishtinës por mposhtën nga Vardari

Hendboll

Paraqitje e mirë e Prishtinës por mposhtën nga Vardari

Nga: K.Goca Më: 16 tetor 2021 Në ora: 18:31
Paraqitje e mirë e Prishtinës por mposhtën nga Vardari

Prishtina u mundua me forcat e saja por nuk ia doli në përballje me Vardarin, duke pësuar humbje me rezultat 39:35 (16:15), në takimin që u zhvillua në Qendrën e Rinisë dhe të Sportit në Prishtinë.

Prishtina në 30 minuta e parë bëri lojë me të mirë përmes lojtareve Ivana Bojoviq e Ardiana Prapashtica. 

Në minutën e 21-të, Prishtina shkëputet në epërsi me 2 gola (13:11), por pas pak barazohet në 13:13 (24’). Minutat e fundit të pjesës së parë ishin në favor të vashave nga Shkupi, të cilat shkuan në pushim me një gol (15:16).

Pjesa e dytë ishte edhe më efikase, Vardari u shkëput në epërsi me 3 gola (17:20) dhe pastaj edhe në gjashtë sosh (26:32) në minutën e 49-të.

Prishtina nuk dorëzohet sidomos në finish ngushton rezultatin në 33:35 në minutën e 57-të. 

Megjithatë në minutën e 59-të Vardari thellon epërsinë në 4 gola (34:38) dhe e fiton sfidën me rezultat 35:39.

Vardari shënoi fitore të madhe dhe me qetësi e pret ndeshjen e kthimit në Shkup, e cila zhvillohet në javën e ardhshme.   

Hendbollistet Ivona Trpevska e Katerina Damjanoska, Bojana Dinevska, janë më efikaset te Vardari, secila shënoi nga 7 gola.

Në radhët e Prishtinës u shqua Bojoviq me 11 gola, e ndihmuar nga Prapashtica me 5, Aida Stagova e Shkurta Mehmeti me nga 4 gola.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat