Besa mobilizon radhët kundër klubit nga Republika Srpska

Hendboll

Besa mobilizon radhët kundër klubit nga Republika Srpska

Nga: Kemajl Goca Më: 24 tetor 2021 Në ora: 12:32
Besa mobilizon radhët kundër klubit nga Republika Srpska

Ndeshje jetike për kampionin e Kosovës, Besa Famgas nga Peja. 

Pejanët i kanë të gjitha parakushtet për lojë e për fitore kundër ekipit nga Republika Srpska, Borci nga Banjalluka, e cila garon në Kampionatin e Bosnjës dhe Hercegovinës.

Besa ka përparësinë e terrenit por edhe ekipin e mirë, ka gjasat që të përmbysë humbjen në Banjallukë me rezultat 28:25 dhe të rrëzojë Borcin. 

Ndeshje që pritet me emocione të mëdha, e cila luhet sonte në orën 18.00, në palestrën e sportit “Karagaçi” në Pejë.

Arbem Muqolli, kryetrajner i Besës, nuk ka mungesa, ka ekipin të gatshëm dhe kërkon fitore sa më bindëse që të kualifikohen në rrethin e tretë të Kupës së Evropës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat