Edhe një humbje e rëndë e Ferizajt në Holandë

Hendboll

Edhe një humbje e rëndë e Ferizajt në Holandë

Më: 24 tetor 2021 Në ora: 17:04
Edhe një humbje e rëndë e Ferizajt në Holandë

Skuadra e Ferizajt e ka humbur edhe ndeshjen e dytë nga skuadra holandeze JuRo Unirek.

Të dielën në ‘t Veld të Holandës, Unireku fitoi me rezultat 37:13. Të shtunën skuadra holandeze fitoi 35:14. Me dy fitore, JuRo Unirek avancon në raundin e tretë të Kupës Evropiane. Ndërkohë Ferizaj ndalet në raundin e dytë, njëjtë si Vushtrria, Istogu e Prishtina.

Pas pjesës së parë rezultati ishte 17:7 për holandezet.

Meri Koneski ishte më efikasja te Ferizaj. Ajo shënoi 7 gola nga 17 tentime. Dy gola i shënoi Mirjeta Dinolli, ndërsa nga një e shënuan Iva Stojkovska, Mimoza Sefedini, Albulena Kelmendi e Bjondina Ramabaja.

Tani skuadrat e hendbollisteve u kthehen sfidave vendore. Pritet garë e mirë për titull të kampionit dhe për Kupën e Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat