Fundjavë e ngarkuar evropiane për gjyqtarët e Kosovës

Hendboll

Fundjavë e ngarkuar evropiane për gjyqtarët e Kosovës

Më: 12 nëntor 2021 Në ora: 16:29
Fundjavë e ngarkuar evropiane për gjyqtarët e Kosovës

Katër çifte të gjyqtarëve të Kosovës të hendbollit janë të angazhuar në ndeshje të kupave evropiane këtë fundjavë. Prania e gjyqtarëve dhe delegatëve tanë në kompeticione kontinentale është e rregullt. Ndeshjet të cilat u besohen gjyqtarëve kosovarë për t’i drejtuar janë gjithnjë e më të forta.

Arsim e Erdoan Vitaku janë deleguar për të drejtuar ndeshjen e Lokomotiva Zagrebit me skuadrëën MKS FunFloor Perla Lublin nga Polonia.

Ndeshja luhet të shtunën nga ora 18:00 në Zagreb dhe është e para e raundit të tretë kualifikues të Ligës Evropiane për hendbolliste.

Çiftet tjera të gjyqtarëve të FHK-së janë deleguar në raundin e tretë të Kupës Evropiane për hendbolliste.

Eshref Beqiri e Ilir Krasniqi po qëndrojnë në Izmir të Turqisë. Do ta drejtojnë ndeshjen Izmir BSB – Maderia Andebol (Portugali), që zhvillohet të shtunën nga ora 17:30.
Sherif Xhema e Besfort Jahja drejtojnë ndeshjen mes Vardarit dhe skuadrës holandeze, JuRo Unirek. Kjo ndeshje luhet në Shkup, të shtunën nga ora 17:00.

Ilir Bytyqi e Syart Kasapi drejtojnë ndeshje në Zvicër. Nga ora 18:00, të shtunën, takohen skuadrat LK Zug dhe Cabooter HandbaL Venlo (Holandë).
Pas një jave, Fahredin Hashani do të jetë delegat në Sllovaki, në ndeshjen Dunajska Streda – Stockerau.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat