Istogu dhjetë fitore rresht

Hendboll

Istogu dhjetë fitore rresht

Më: 21 nëntor 2021 Në ora: 00:42
Istogu dhjetë fitore rresht

Nuk ka pasur befasi në katër ndeshjet e para të javës së dhjetë të Superligës së hendbollisteve, që janë zhvilluar të shtunën.

Lideri i klasifikimit, Istogu, ka shënuar edhe fitoren e dhjetë rresht dhe udhëheq në tabelë me 20 pikë. Istogu e mposhti në udhëtim Samadrexhën me rezultat 31:18.

Kapitenia Albina Rugova dhe Anja Bojaniq i shënuan nga 6 gola, kurse nga 5 i kishin Pranvera Ferataj e Esma Muratoviq.

Te Samadrexha u dalluan Biontina Rrahmani e Donjeta Mehmeti me nga 6 gola. Samadrexha është e nënta me 5 pikë

Kampionia, Vushtrria, fitoi ndaj Vëllaznimit të Gjakovës me rezultat 39:26. Lorena Matarova ishte më efikasja me 9 gola, kurse nga 7 i kishin Burneta Rama, Luljeta Sopiani e Genta Basholli. Bora Zejnullahu i shënoi 8 gola për Vëllaznimin, kurse 7 i kishte Edona Radoniqi. Vushtrria është e treta me 16 pikë, derisa Vëllaznimi mbanë vendin e dhjetë me 4 pikë.

Argoneta Goqi i shënoi 13 gola për Shqiponjën, që fitoi 28:24 ndaj Vjosës. Betina Mehmeti me 7 gola ishte më efikasja te Vjosa.

Kastrioti fitoj ndaj Jusuf Gërvallës me rezultat 44:33. Puhiza Gashi i kishte 9 gola për ferizajaset, derisa nga 7 i realizuan Adriana Salihu e Elda Hoxha. Arjeta Imeraj e Adelina Çufaj i shënuan nga 10 gola për skuadrën deçanase.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat