Ahmet Petrova në krye të Ferizajt?

Hendboll

Ahmet Petrova në krye të Ferizajt?

Nga: Kemajl Goca Më: 23 nëntor 2021 Në ora: 15:22

Ahmet Hysenaj -  Petrova, ish kryetar i klubit të Kastriotit (meshkuj e femra) nga Ferizaj, po ashtu i Borcit (në ish Jugosllavi), raportohet se ka arritur marrëveshjen me klubin e hendbollit Ferizaj (femrat), që të jetë kryetar i ri.

“Gjithçka është arritur në parim me Petrovën. 

Petrova do të jetë kryetar i ri. Ka mbetur zyrtarizimi në faqen e klubit”, tha një burim brenda klubit për gazetën kombëtare “Bota sot”..

Petrova ka një mision: të luftojë për titull dhe për Kupë të Kosovës, para se gjithash, të përforcojë ekipin për edicionin pranveror.

KHF Ferizaj garon në elitën e hendbollit, renditet bë vend të katërt me 14 pikë, po ashtu ka themeluar edhe ekipin tjetër, Ferizaj B. 

Merret vesh se Petrova e ka ndërmend të themelojë edhe klubin e Ferizajt në konkurrencën e meshkujve, ky do të ishte lajmi edhe më i mirë për komunitetin e hendbollit.

Ferizaj ka marrë primatin e hendbollit femëror në qytetin e Ferizajt.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat