Vushtrria shënon fitore të thellë

Hendboll

Vushtrria shënon fitore të thellë

Më: 28 nëntor 2021 Në ora: 00:22
Vushtrria shënon fitore të thellë

Kampionia aktuale Vushtrria ka shënuar fitore të thellë. Vushtrria e mposhti Vjosën me rezultat 40:20.

Luljeta Sopjani me 10 gola dhe Burneta Rama e Gentiana Basholli me nga 7, ishin më efikaset te Vushtrria që renditet e treta me 18 pikë. Vjosa Imeri, Benita Shabani e Blerina Hasani shënuan nga 5 gola për Vjosën e vendit të tetë.

Fitore kanë shënuar edhe dy skuadrat tjera favorite. Ferizaj e mposhti Shqiponjën me 38:33, ndërsa Prishtina ka fituar ndaj Ulpianës me 38:13.

Istogu ka vazhduar me fitore në Superligën e Kosovës në hendboll në konkurrencë të femrave. Të shtunën Istogu e mposhti Kastriotin e Ferizajt me rezultatin 46:23. Ndeshja i takoi xhiros së 11-të dhe për istogaset ishte fitorja e njëmbëdhjetë. Istogu udhëheq në tabelë me 22 pikë.

Esma Muratoviq e Anja Bojaniq shënuan nga 8 gola për Istogun. Nga 7 i kishin kapitenia Albina Rugova dhe Pranvera Ferataj.

Te Kastrioti më efikaset ishin Elza Reçica e Vahide Gashi me nga 4 gola. Kastrioti renditet i pesti me 13 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat