Derbi në Prishtinë

Hendboll

Derbi në Prishtinë

Më: 6 prill 2022 Në ora: 13:44
Derbi në Prishtinë

Të mërkurën nga ora 20:00 luhen tri ndeshjet e xhiros së 25-të në Superligën A të Kosovës në hendboll (meshkujt). Shpresohet në ndeshje të forta dhe me rivalitet.

Në kryeqytet, Prishtina e pret Besa Famgasin. Pra takohen skuadra e dytë me skuadrën e parë në tabelë. Në ndeshjet e deritashme të këtij edicioni ka munguar rivaliteti i fortë mes këtyre dy skuadrave, por shpresohet që këtë herë të jetë më ndryshe. Besa Famgas udhëheq në tabelë me 48 pikë, ndërsa Prishtina është e dyta me 39 pikë.

Ndeshje e mirë pritet edhe në Mitrovicë ku takohen Trepça e Kastrioti. Të dy skuadrat janë trimëruar nga fitoret në xhiron e kaluar dhe presin të vazhdojnë me rezultate pozitive.

Ndërkohë Rahoveci pritet të reagojë në ndeshjen ndaj Vëllaznimit, pas disfatës në xhiron e kaluar. Por ekipi gjakovar udhëton me synime të tjera.

Trepça është e treta në tabelë me 31 pikë, ndërsa Rahoveci i katërti me 28. Kastrioti mban vendin e pestë me 23 pikë derisa Vëllaznimi është i gjashti me 19 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat