Vazhdon seria impresive e katërshes së Kosovës

Hendboll

Vazhdon seria impresive e katërshes së Kosovës

Më: 1 maj 2022 Në ora: 23:04
Vazhdon seria impresive e katërshes së Kosovës

Kreuzlingeni i katër lojtarëve të Kombëtares së Kosovës po vazhdon marshimin drejt Superligës së Zvicrës.

Kjo skuadër thuajse e ka siguruar vendin e parë pas stinorit të rregullt dhe në serinë finale për një vend në elitë do të luaj më ekipin e vendit të dytë, Wadenswil/Horgan. Skuadra që shënon tri fitore kalon në Superligë për edicionin e ardhshëm.

Dy xhiro para fundit të stinorit të rregullt, Kreuzlingeni i ka 42 pikë në pozitën e parë.

Wadenswil është i dyti me 39 pikë. Skuadra e vendit të parë e ka përparësinë e terrenit vendas në serinë finale.

Kreuzlingeni të shtunën fitoi 30:26 ndaj Steffisburgut. Ishte fitorja e 16-të rresht e skuadrës ku Valon Dedaj, Bujar Ramosaj, Haris Berisha e Drenit Tahirukaj janë lojtarët kryesorë.

Tahirukaj shënoi 8 gola nga 10 tentime. Ramosaj shënoi një gol nga dy tentime, kurse udhëhoqi mbrojtjen. Kapiteni i skuadrës dhe i Kosovës, Valon Dedaj, realizoi katër gola nga katër tentime. Berisha i kishte shtatë pritje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat