Kthehet Mimoza, Sahiti me optimizëm e pret finalen e dytë

Hendboll

Kthehet Mimoza, Sahiti me optimizëm e pret finalen e dytë

Nga: Kemajl Goca Më: 3 maj 2022 Në ora: 21:39
Granit Sahiti

Ferizaj vetëm fitorja e mban në garë për titullin e kampionit, çdo rezultat tjetër është fatal.

Ferizajaset synojnë hakmarrje për humbjen në finalen e parë të play-off-it të Superligës së Kosovës në hendboll (femrat), me rezultat 32:31 nga Istogu.

Kryetrajneri i Ferizajt, Granit Sahiti, merr frymë më lehtë për ndeshjen e nesërme (në orën 18.00 në palestrën e sportit “Bill Clinton” në Ferizaj), i rikthehet hendbollistja Mimoza Sefedini.

“Besoj që do të jetë një ndeshje interesante, besoj në potencialin e lojtareve të mia, dhe pres fitore.

Jemi të kompletuar për dallim nga ndeshja parë që nuk e kishim Mimoza Sefedinin (për shkak të kartonit te kuq në ndeshjen me Prishtinën)”, tha Sahiti për gazetën kombëtare “Bota sot”.

Skuadra me dy të fituara apo me një fitore e një barazim shpallet kampione, Istogu avancon aktualisht me 1:0 në seri të fitoreve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat