Faruk Shala: Jam krenar me këtë skuadër

Hendboll

Faruk Shala: Jam krenar me këtë skuadër

Më: 4 maj 2022 Në ora: 23:59
Faruk Shala: Jam krenar me këtë skuadër

Trajneri i Istogut, Faruk Shala, thotë se është krenar me skuadrën që të mërkurën e fitoi titullin e kampionit të Kosovës në hendboll.

Shala ka folur për sfidat me të cilat është përballur skuadra që drejton. Istogu i ka fituar të gjitha 26 ndeshjet, kurse në finale të plejofit ishte në dy ndeshje më i mirë se Ferizaj.

“Ky edicion ka qenë shumë sfidues për ne. Qysh në fillim kemi pasur disa largime të rëndësishme nga skuadra e gjithashtu shumë lëndime. Kemi humbur disa nga hendbollistet kryesore. Por kemi arritur të ndërtojmë një mentalitet fitues, që ka qenë shumë e rëndësishme për ne.

Kemi fituar edhe kur kemi pasur vështirësi dhe kjo më bën të ndihem vërtetë krenar për skuadrën time”, ka thënë Shala.

Ai vlerësohet më meritori për ngritjen e Istogut në skuadër që vazhdimisht synon trofe.

“Finalja e sivjetme ka qenë më cilësorja nga të gjitha finalet që kemi luajtur si në kampionat ashtu edhe në Kupë. Në ndeshjen e parë në Istog kemi shfaqur shenja të pasigurisë, megjithatë kemi fituar në një ambient fantastik. Në Ferizaj kemi luajtur më mirë dhe kemi kontrolluar në tërësi lojën.

I jam shumë mirënjohës gjithë qytetit të Istogut për përkrahjen e madhe që na ka dhënë. Titulli i takon qytetarëve të Istogut. I falenderoj edhe shikuesit dhe të gjithë në Ferizaj për korrektësi dhe organizim të ndeshjes”, ka shtuar Shala.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat