Istogu në finale

Hendboll

Istogu në finale

Nga: Më: 14 maj 2022 Në ora: 16:11
Istogu në finale

Klub i hendbollit Istogu është finalisti i parë në konkurrencën e femrave dhe e pret fituesen e përballjes Vushtrria – Ferizaj.

Istogu ka shënuar fitore me rezultat të ngushtë 35:33 ndaj Prishtinës, në ndeshjen që u zhvillua në palestrën e sportit “Bill Clinton” në Ferizaj.  

Të dy ekipet treguan lojë mesatare por Prishtina nuk arriti synimin e saj.

Kryetrajneri i Istogut, Faruk Shala, tani pas titullin synon edhe Kupën e Kosovës.

Milatoviq u shpall lojtarja më e mirë e Istogut. Ndërsa te Prishtina lojtarja më e mirë u shpall portierja Teninke Kaba. Ajo është dalluar me pritje të shumta. Me disa pritje, sidomos në momentet e fundit, ka kontribuar edhe portierja e Istogut, Blerta Ahmetxhekaj.

Fillimi i ndeshjes i takoi Istogut që krijoi epërsi prej 7:2. Në minutën e 20-të rezultati u barazua në 13:13. Në fund të pjesës së parë Prishtina në dy raste kishte një gol epërsi, ndërsa pas 30 minutave shifrat ishin 18:18.

Në pjesën e dytë u luajt për secilin gol. Prishtina fillimisht krijoi epërsi prej dy golave, të cilën e kishte disa herë. Në minutën e 57-të, ishte Istogu që krijoi epërsi prej dy golave, 32:30. Prishtina u afrua në 32:31 e më pas edhe në 33:32. Por nuk ia doli të barazoi më dhe në fund rezultati ishte 35:33 për Istogun.

Esma Muratoviq ishte më efikasja te Istogu me 11 gola. 7 i realizoi Natalija Milatoviq.
Ivana Bojoviq realizoi 9 gola për Prishtinën. 6 i kishte Simone Keita.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat