Në finale përballen Ferizaj - Istogu

Hendboll

Në finale përballen Ferizaj - Istogu

Më: 14 maj 2022 Në ora: 18:37
Në finale përballen Ferizaj - Istogu

Ferizaj është finalisti i dytë i Kupës së Kosovës në hendboll në konkurrencë të femrave.

Në gjysmëfinalen e dytë, Ferizaj e mposhti Vushtrrinë me rezultatin 31:27. Ndeshja u luajt të shtunën pasdite në palestrën “Bill Clinton” në Ferizaj.

Vendaset nisën herët shkëputjen, ndërsa pas pjesës së parë rezultati ishte 20:15 në të mirë të Ferizajt.

Ferizaj e mbajti epërsinë prej disa golave në pjesën e dytë dhe në fund fitoi me shifrat 31:27.

Larisa Da Silva dhe Ana Luisa Chaves shënuan nga 7 gola për Ferizajn.

Te Vushtrria, Burneta Rama i realizoi 8 gola. 6 i kishte Donita Kasumi.

Portierja Njomza Kelmendi u shpall lojtare e ndeshjes te Vushtrria. Ana Luisa Chaves ishte më e mira te Ferizaj.

Ferizaj në finale takohet me Istogun. Finalja zhvillohet të dielën nga ora 20:00 në palestrën “Bill Clinton” në Ferizaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat