Finale e çmendur, Barcelona kampion i ri i Evropës

Hendboll

Finale e çmendur, Barcelona kampion i ri i Evropës

Më: 19 qershor 2022 Në ora: 20:02
Finale e çmendur, Barcelona kampion i ri i Evropës

Barcelona është kampion i ri i Evropës në hendboll (meshkujt).

Ekipi i Barcelonës shënoi fitore me penallti me rezultat 5:3 (37:35) ndaj Vivi Kielces nga Polonia, në finalen e Champions League.

Në hallën sportive “Lanxess Arena” në Koln të Gjermanisë, rreth 20 mijë shikues, panë një finale të zjarrtë dhe dramatike, ku fituesi nuk u përcaktua as pas vazhdimeve dy herë nga 5 minuta! Ndeshja pas 70 minutave përfundoi 32:32.

Ndeshja në kohën e rregullt përfundoi baras (28:28). 

Në sekondën e fundit, skuadra polake përmes hendbollistit Karalek barazoi rezultatin (28:28) për ta dërguar ndeshjen në vazhdime.  

Pjesa e parë, fillimisht Kielce avancoi me 0:1, barazojnë katalunasit dhe avancojnë me 5:2, 6:3, 7:4, 10:7, 11:9. Kielce barazon rezultatin 12:12 dhe Barcelona në epërsi (14:13), duke shkuar në pushim me një gol dallim. 

Në pjesën e dytë dramë e madhe, herë Barcelona e herë Kielce në epërsi. Dramë deri në sekondën e fundit, ndërsa vazhdimet edhe më dramatike, në minutën e 65-të rezultati 30:30 sikurse (32:32) edhe në të 68-tën.

Gomes me 9 gola, N'guessan me 5 janë më efikasi të Barcelona, ndërsa Karalek, A. Dujshebaev, D. Dujshebaev, Moryto, Kulesh, Vujoviq, secili shënuan nga 4 gola për ekipin polak.

Gjiganti katalanas arriti të mbronte titullin, për kurorën e 11-të evropiane. në historinë e garave elitare.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat