Kolgeci takohet me kryetarin e Prishtinës

Hendboll

Kolgeci takohet me kryetarin e Prishtinës

Më: 16 shtator 2022 Në ora: 15:26
Kolgeci takohet me kryetarin e Prishtinës

Federata e Hendbollit e Kosovës po vazhdon përgatitjet për garën shumë me rëndësi, IHF Trophy, që muajin e ardhshëm mbahet në Prishtinë.

Për koordinim sa më të mirë dhe me qëllim që IHF Trophy të jetë një organizim shembullor, të premten kryetari i Këshillit Organizativ të kësaj ngjarjeje, Edi Kolgeci, ka mbajtur takim me kryetarin e Komunës së Prishtinës, Përparim Rama dhe drejtorin për sport të Komunës së Prishtinës, Granit Rugova.

Gjatë takimit, Kolgeci ka njoftuar Ramën dhe Rugovën lidhur me aktivitetin dhe rëndësinë e tij për hendbollin dhe qytetin e Prishtinës. IHF Trophy për zonën evropiane mbahet për grupmoshën U18 dhe U20, ndërsa do të marrin pjesë përfaqësuese të ndryshme evropiane.

Është një rast i mirë për të siguruar kualifikimin në Botëror. Kolgeci është edhe anëtar i Bordit të FHK-së dhe kryetar i klubit të hendbollit Prishtina.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat