Vushtrria sfidon kampionin

Hendboll

Vushtrria sfidon kampionin

Më: 23 shtator 2022 Në ora: 18:22
Vushtrria sfidon kampionin

Dy prej skuadrave kryesore në vitet e fundit në hendbollin kosovar takohen të dielën në Vushtrri.

Bëhet fjalë për KHF Vushtrria e KHF Istogu që takohen në kuadër të xhiros së dytë të Superligës së hendbollisteve. Kjo ndeshje luhet nga ora 12:30 në palestrën në Vushtrri.

Të dy skuadrat kanë shënuar fitore në xhiron e parë, ndërsa do të testojnë forcën e njëra-tjetrës në kuadër të xhiros së dytë. Istogu udhëton me synime për fitore. Skuadra istogase synon mbrojtjen e titullit të kampionit. Ndërkohë vushtrriaset do të japin më të mirën për t’ia prishur planet mysafireve.

Të dielën është edhe ndeshja Vëllaznimi – Samadrexha. Kjo ndeshje luhet prej orës 16:00, ndërsa pritet të jetë me rivalitet. Të shtunën janë dy ndeshje të javës së dytë.

Shqiponja e Prishtina luajnë prej orës 14:30 në Gjakovë, ndërsa Kastrioti e Jusuf Gërvalla takohen nga ora 15:30. Kjo ndeshje luhet në Shtime. Ndeshja mes Ferizajt dhe Dukagjinit është shtyrë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat