Ferizaj fiton ndaj Vëllaznimit në Gjakovë

Hendboll

Ferizaj fiton ndaj Vëllaznimit në Gjakovë

Më: 20 nëntor 2022 Në ora: 12:29
Ferizaj fiton ndaj Vëllaznimit në Gjakovë

Me seri 6:0, Ferizaj e ka nisur ndeshjen e së shtunës ndaj Vëllaznimit në Gjakovë. Dhe në fund skuadra ferizajase mori pikët nga ndeshja e javës së tetë të Superligës së hendbollisteve.

Skuadra mysafire ka mbajtur epërsi të lartë në pjesën e parë, që përfundoi 23:17.

Vendaset kanë bërë përpjekje në pjesën e dytë, janë afruar disa herë në rezultat, por pa rrezikuar epërsinë e Ferizajt. Kështu në fund rezultati ishte 43:37 për Ferizajn.

Kjo ishte ndeshja e vetme e së shtunës në Superligën e hendbollisteve.

Ivana Bojoviq udhëhoqi Ferizajn me 10 gola. Tetë i kishte Mirjeta Dinolli, kurse nga gjashtë i realizuan Simone Keita dhe Elsa Kongjeli.

Edona Radoniqi i shënoi 12 gola për Vëllaznimin, kurse nëntë i kishte Bora Zejnullahu.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat