Ndeshje me rivalitet në xhiron e dhjetë

Hendboll

Ndeshje me rivalitet në xhiron e dhjetë

Më: 25 nëntor 2022 Në ora: 14:37
Ndeshje me rivalitet në xhiron e dhjetë

Xhiroja e dhjetë vjen me tjera ndeshje interesante e me rivalitet në Superligën e Kosovës në hendboll. Vëllaznimi – Deçani është ndeshja që e hap xhiron e radhës, ndërsa luhet të shtunën prej orës 18:00 në Gjakovë. Vëllaznimi është mobilizuar në kërkim të fitores së rëndësishme, ndërsa deçanasit e bëjnë udhëtimin e shkurtër me shpresë për dy pikë të reja.

Vëllaznimi është i pesti në tabelë me gjashtë pikë nga shtatë ndeshje. Deçani është i teti (parafundit) me katër pikë nga tetë ndeshje, por synon shumë më tepër në vazhdim të kampionatit.

Të shtunën janë edhe dy ndeshje tjera që zhvillohen prej orës 19:00. Kampionia dhe liderja, Besa Famgas e pret Trepçën në palestrën “Karagaçi” në Pejë. Ndeshja e parë mes këtyre dy skuadrave ishte interesante dhe e hapur thuajse deri në fund.

Shpresohet për një tjetër ndeshje të fortë dhe me rivalitet. Besa ka fituar tetë ndeshjet e deritashme dhe udhëheq me 16 pikë. Trepça është e treta me 12 pikë, ndërsa mori fitore të madhe fundjavën e kaluar në Vushtrri.

Llapi – Rahoveci është ndeshja tjetër e së shtunës mbrëma. “Vreshtarët” udhëtojnë për fitore, por llapjanët do të japin më të mirën në tentim për të mbajtur pikët.

Të dielën është ndeshja Vushtrria – Kastrioti. Kjo ndeshje luhet prej orës 18:00 dhe po ashtu pritet të jetë me rivalitet.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat