Vushtrria fiton derbin me Kastriotin

Hendboll

Vushtrria fiton derbin me Kastriotin

Më: 27 nëntor 2022 Në ora: 22:33
Vushtrria

Vushtrria e ka fituar ndeshjen e fundit të javës së dhjetë në Superligën e Kosovës në hendboll.

Të dielën mbrëma, Vushtrria fitoi ndaj Kastriotit të Ferizajt me rezultat 32:26. Vendasit nisën më mirë ndeshjen dhe krijuan epërsi bindëse. Pas 30 minutave lojë rezultati ishte 16:10.

Vushtrria mbajti epërsinë konstante edhe në pjesën e dytë, për të fituar në fund me gjashtë gola dallim.

Nemanja Drakuloviq ishte më efikasi te Vushtrria me 7 gola. 5 i shënoi Fitim Klinaku, sa i kishte edhe Armend Karaça. Festim Mustafa shënoi 7 gola për Kastriotin, derisa 6 i kishte Jeton Bislimi.

Tri ndeshjet tjera të javës së dhjetë janë luajtur të shtunën.

Kastrioti i ka nëntë pikë në vendin e katërt. Vushtrria është e shtata me gjashtë pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat