Selektori Bujar Qerimi ka vlerësuar paraqitjen e Kombëtares së Kosovës ndaj Malit të Zi.
Ai ka thënë se kanë kushtuar rastet e shumta të humbura.
Qerimi ka thënë se Kombëtarja është në rrugë të mirë.
“Po na përsëritet kjo situatë, e kam thënë shumë herë.
Ndoshta ma kanë zënë për të madhe por kjo është e vërtetë.
Në këtë fazë të garave ka portierë të mëdhenj.
Në pjesën e parë kemi pasur shumë topa të humbur përballë portierit. Nuk kemi pasur probleme në sulm sa kemi pasur problem me realizim të golave.
Në pjesën e dytë kemi aplikuar lojën me 7 lojtarë kundër 6 dhe është interesant. Ia kemi dalë në pjesën e dytë.
Ne jemi në rrugë të mirë, jemi kthyer.
Ne duhet të përmirësohemi në finalizimin e rasteve, por koha e përgatitjeve për ndeshje është e shkurtër.
Nesër e pasnesër do të kemi nga një stërvitje e më pas kemi lojën me Slloveninë.
Megjithatë, jam i bindur se Kosova është në rrugë të mirë. Loja e sotme ka treguar se jemi një hap përpara”, ka thënë selektori Bujar Qerimi.
