Norvegjia është kampione e botës në hendboll (femrat).
Vashat e Norvegjisë shënuan fitore në finale, me rezultat 23:20 ndaj Gjermanisë.
Finalja u luajt në Roterdam të Holandës.
Norvegjezet shkëlqyen duke fituar titullin e pestë të botës.
Norvegjezët kështu arritën kurorën e trefishtë, pasi janë kampionët aktuale evropiane dhe olimpike.
Mbretërimi i skuadrës skandinave vazhdon, dhe sonte ata fituan medaljen e tyre të 21-të të artë në garat e mëdha. Dhe të parin nën komandën e trajnerit të ri Ole Gustav Gjekstad.
Në pjesën e parë, gjermanet u përballën shkëlqyeshëm, duke mos lejuar Hanna Rejstad të shënonte asnjë gol të vetëm dhe shkuan në pushim baras (11:11).
Pjesa tjetër e lojës, megjithatë, solli një performancë më të mirë nga Norvegjia. Rejstad luajti dhe gjuajti, Norvegjia ia doli të avancoi tre gola (16:13).
Gjermania arriti të rikthehej dhe të barazonte (17:17), por në 10 minutat e fundit përvoja e norvegjezeve vendosi dhe veteranja Katrine Lunde mbrojti shumë mirë.
Në fund, Norvegjia gjeti çarje në mbrojtjen gjermane, Malin Aune shënoi dy gola nga krahu i djathtë.
Portierja 45-vjeçare, Katrine Lunde udhëhoqi Norvegjinë drejt titullit të ri të botës.
Ajo u përshëndet nga Kombëtarja si kampione e botës. Nga pesë gola i shënuan Henny Ella Reisad dhe Thale Rushfeldt Deila.
Te Gjermania nga katër gola i realizuan Alina Grijseels, Emily Vogel dhe Viola Leuchter.
Norvegjia e ka fituar Botërorin për herë të pestë.
Norvegjia konfirmoi se është forca e parë në hendbollin e femrave.
Vendin e tretë e zuri Franca që pas vazhdimeve fitoi 33:31 ndaj Holandës.
