Të dielën u luajtën ndeshjet e xhiros së 13-të të Superligës së Kosovës në hendboll.
Besa Famgas fitoi ndaj Llapit me rezultat 44:32, ndërsa Trepça fitoi në udhëtim ndaj Vushtrrisë me rezultat 30:27.
Jon Vokshi me 11 dhe Deniz Terziqi me nëntë gola udhëhoqën Besën.
Te Llapi, Victor Rios Ramirez i shënoi gjashtë gola, ndërsa Santos De Souza Kaiq i kishte pesë.
Trepçën drejt fitores e udhëhoqën Eris Beqiri me nëntë gola dhe Sali Maxhera me tetë.
Nëntë gola te Vushtrria i kishte Egzon Ademi, kurse tetë i shënoi Amir Fazliu.
Besa i ka 20 pikë në vendin e tretë, ndërsa e ka një ndeshje më pak të luajtur.
Trepça është e pesta me 10 pikë. Llapi i ka tetë në vendin e gjashtë, kurse Vushtrria kërkon pikët e para.