Kombëtarja e Kroacisë në hendboll ka fituar medaljen e bronztë në Kampionatin Evropian.
Në ndeshjen për vendin e tretë, skuadra e drejtuar nga selektorit Dagur Sigurdsson mposhti Islandën me rezultat 34:33.
Kjo është medalja e dytë radhazi për Kroacinë, pasi vitin e kaluar u shpall nënkampione e botës.
Kroacia e nisi shkëlqyeshëm pjesën e parë.
Matej Mandiq i dha siguri mbrojtjes dhe impuls sulmit, ku në veçanti u dallua Tin Luçin. Lojtari i Nexe-s realizoi gjashtë gola dhe nëntë asistime në pjesën e parë.
Në minutën e 19-të, kroatët krijuan epërsi prej gjashtë golash, por islandezët arritën ta ngushtojnë rezultatin në 17:14 deri në fund të pjesës së parë.
Në pjesën e dytë, Kroacia ruajti epërsinë dhe Islanda asnjëherë nuk kaloi në avantazh, ndonëse fundi i ndeshjes solli dramë të vërtetë. Marin Jeliniq ishte vendimtar në momentet më të vështira, duke shënuar të tre golat e tij në çaste vendimtare.
Filip Glavash hyri në lojë në minutën e fundit dhe fillimisht humbi një penallti që do t’i siguronte fitoren Kroacisë. Në anën tjetër, Islanda gaboi penalltinë për ta afruar rezultatin në vetëm një gol diferencë.
Megjithatë, Glavash u rehabilitua shpejt dhe shënoi golin vendimtar për fitoren 34:33 dhe një tjetër medalje për Kroacinë.
Kroacia u udhëhoq drejt fitores nga Tin Luçin me nëntë gola dhe nëntë asistime, ndërsa te Islanda u dallua Ingi Ómar Magnusson me 12 gola, prej të cilëve 10 nga penalltitë (7-shet).