Filloi implementimi i projektit “Master Plan”

Hendboll

Filloi implementimi i projektit “Master Plan”

Më: 3 mars 2026 Në ora: 11:25
Pamje

Federata e Hendbollit e Kosovës ka nisur me implementimin e projektit “Master Plan” të cilin e ka fituar nga Federata Evropiane e Hendbollit.

Ky projekt ka të bëjë me zhvillimin e mëtejme të hendbollit në kategori të reja, përkatësisht me rritjen e bazës së lojtarëve dhe të atyre që merren me sportin e hendbollit.

Master Plani ka nisur të implementohet në Mitrovicë.

Në bashkëpunim edhe me Federatën e Sportit Shkollor, ka nisur liga e hendbollit për shkollat e qytetit të Mitrovicës.

Aktualisht të angazhuar janë plot 160 fëmijë të tetë shkollave të ndryshme.

Tashmë janë luajtur disa xhiro të ligës, për djem e vajza. Liga zhvillohet në baza javore.

Së shpejti projekti “Master Plan” do të shtrihet edhe në komunat tjera të vendit tonë.

Është ky projekti i radhës i FHK-së që synim primar e ka punën me gjeneratat e reja.

comment Për komente lëvizni më poshtë
Sot mund të lexoni Shfletoni kopertinat