Anëtari i Federatës së Hendbollit të Kosovës, Eshref Beqiri, ka pasur tjetër përfaqësim të rëndësishëm në skenën evropiane.
Të enjten, Beqiri ishte delegat i Federatës Evropiane të Hendbollit në njërën prej ndeshjeve më të rëndësishme të xhiros së tretë të kualifikimeve për Euro 2026.
Ai është kujdesur për mbarëvajtjen e ndeshjes mes hendbollisteve të Kroacisë dhe atyre të Francës. Në Bjelovar të Kroacisë, Franca fitoi me rezultatin bindës, 30:19.
Ndeshja i takoi Grupi 1, ku është edhe Kombëtarja jonë dhe Finlanda.
Për Beqirin ishte vetëm delegimi i radhës në ndeshje evropiane. Ai ka përfaqësim shumë të shpeshtë në kupa evropiane dhe në ndeshje të ekipeve kombëtare.