Samadrexha ka vazhduar me fitore në Superligën e Kosovës në hendboll në konkurrencë të femrave.
Të mërkurën mbrëma në palestrën “Bill Clinton”, Samadrexha mposhti Ferizajn me rezultat 38:30.
Ishte ky derbi i xhiros së 17-të.
Arona Krasniqi u dallua me plot 10 gola. Jennifer Abreu kontribuoi në fitore me 7 gola. Tina Hetemi e Erza Tafilaj i realizuan nga gjashtë.
Te Ferizaj, më efikasja ishte Sevdanur Ozkan me 10 gola. 8 i shënoi Elsa Kongjeli.
Samadrexha është e para me 30 pikë. I ka fituar 15 ndeshjet e deritashme. Ferizaj i ka 20 pikë në vendin e tretë.
Ndeshje me rivalitet luajtën Besa e Kastrioti. Skuadra pejane fitoi me një gol dallim, 25:24.
Klea Kelmendi me gjashtë dhe Edona Radoniqi me pesë gola, udhëhoqën Besën. Bulëza Maksuti i kishte shtatë gola për Kastriotin, kurse gjashtë i realizoi Elda Hoxha.
Kastrioti thellohet në fund të tabelës me 2 pikë.
Po të mërkurën, Shqiponja e mposhti Prishtinën në kryeqytet me rezultat 34:28.
Ana Gonçalves Carolini udhëhoqi Shqiponjën me dhjetë gola. Shtatë i realizoi Nathalia Fontana.
Celine Tolno Sia dhe Burneta Rama u dalluan te Prishtina me 11, përkatësisht shtatë gola.