Ka përfunduar kampi me hendbollistë të rinj, kandidatë për vend në ekipet kombëtare të grupmoshave.
Kampi e kishte fokusin në përgatitjen fizike, ndërsa pjesë e tij ishin afro 30 hendbollistë të klubeve të vendit.
Kampin e udhëhoqi përzgjedhësi i Kombëtares A të Kosovës në hendboll, Jesper Ostlund.
Shtabi teknik është ndarë shumë i kënaqur me grumbullimin dhe punën e hendbollistëve tanë të rinj.
Prej të enjtes janë mbajtur gjashtë seanca stërvitore, kurse kishte edhe angazhime të tjera për lojtarët tanë me potencial.
Është ky aktiviteti i radhës i Federatës së Hendbollit të Kosovës që për synim e ka rritjen e vazhdueshme të nivelit të të rinjve.