Besa e Pejës është kampione e Kosovës në hendboll në konkurrencë të pioniereve (U16).
Në finale, të enjten mbrëma në Shtime, Besa fitoi ndaj Vushtrrisë me rezultat 26:18.
Pjesa e parë përfundoi 13:11 për ekipin pejan, që bëri shkëputje më të madhe në pjesën e dytë.
Samanda Konjuhaj i realizoi nëntë gola për Besën. Gjashtë i kishte Klea Kelmendi e pesë Suela Gashi.
Te Vushtrria më efikasja ishte Eliza Shabani me gjashtë gola. Pesë i kishte Jusra Begu e katër Dilara Bangu.
Në ndeshje për vend të tretë, Prishtina fitoi 22:11 ndaj Ulpianës.
Kupën e kampionit për kapitenen e Besës e ndau Xhavit Morina, zëvendëspresident i Federatës së Hendbollit të Kosovës. Medaljet i ndanë Fatmire Ferati dhe Isak Osmani, anëtarë të Bordit të FHK-së.