Vlerson Zherka me ekip të ri

Hendboll

Vlerson Zherka me ekip të ri

Nga: K.G. Më: 18 shtator 2026 Në ora: 21:41
Vlerson Zherka

Vlerson Zherka sërish rikthehet në klubin e hendbollit Prishtina.

Prishtina është edhe më e kompletuar kur i shtohen edhe dy përforcime tjera, si Rron Ramadani dhe Lulzim Shabani.

“KH Prishtina ka arritur marrëveshje me qendrën Vlerson Zherka, i cili do t’i bashkohet skuadrës sonë si përforcimi i radhës për sezonin e ri.

Vlersoni njihet për aftësitë e tij sportive, angazhimin dhe seriozitetin në fushë, duke qenë një lojtar që pritet të sjellë vlerë të shtuar dhe konkurrencë në skuadër.

Vlerson Zherka ka qenë pjesë e KH Prishtina edhe më herët, ku gjatë kohës së tij në klub ka dhënë vazhdimisht kontributin e tij dhe ka treguar përkushtim maksimal ndaj ekipit.

Tashmë, Vlersoni rikthehet në Prishtinë me ambicie të mëdha, motivim dhe dëshirë për të kontribuar në realizimin e objektivave të klubit.

Besojmë se cilësitë, përvoja dhe karakteri i tij do të jenë një vlerë e rëndësishme për skuadrën tonë në rrugëtimin drejt objektivave të sezonit të ri”, ka njoftuar KH Prishtina.

Sot mund të lexoni Shfletoni kopertinat