Deçani e ka shënuar fitoren e radhës në Superligën e Kosovës në hendboll.
Të dielën deçanasit fituan në palestrën “Mizahir Isma” ndaj Rahovecit me rezultatin bindës, 45:23.
Ishte kjo ndeshja e fundit e xhiros së katërt.
Albi Gjuka ishte më efikasi te Deçani me 10 gola. Tetë i realizoi Albios Beqiraj e shtatë Xhafer Alimusaj.
Erblin Qerimaj dhe Ylli Morina i shënuan nga pesë gola për “vreshtarët”. Katër i kishte Genti Kafexhiu.
Deçani ka dy fitore e një humbje. Ndërkohë Rahoveci i ka humbur tri ndeshjet e deritashme.