Totaj prezanton programin e tij për ekonominë: Mbështetje ekonomike për bizneset dhe punëtorët

Kosova

Totaj prezanton programin e tij për ekonominë: Mbështetje ekonomike për bizneset dhe punëtorët

Më: 8 tetor 2021 Në ora: 17:07
Shaqir Totaj

Kandidati për Kryetar të Prizrenit Shaqir Totaj ka shpalosur programin e tij konkret për nxitjen e zhvillimit ekonomik të qytetit.

Totaj në prezantimin e programit të tij ka folur për Fondin për mbështetjen e start-up bizneseve me ide inovative, ngritjen e kapaciteteve për bizneset egzistuese, funksionalizimin e zonës ekonomike, formimin e inkubatorit “Hackerspace” për mbështetjen e talentëve të rinjë në fushën e teknologjisë, dhënien në shfrytëzim të pronave publike për bizneset në formë transparente, formimin e Zyres për tërheqjen e investimeve të reja në qytet.

Konferenca vjetore për tërheqjen e investimeve të huaja dhe shumë projekte të tjera kapitale që mundësojnë nxitjen e zhvillimit ekonomik dhe më shumë mirëqenie në qytet.

Ekonomia e Prizrenit, bizneset e punëtorët të goditur rëndë nga pandemia jo vetëm që nuk u mbështetën por edhe u gjobitën. Si ekonomist me përvojë të gjatë i di nevojat që i duhen ekonomisë së Prizrenit dhe plani zhvillimor i imi do të fokusohet në një Fond të veçantë për ekonominë e qytetit, funksionalizimin e Zonës Ekonomike në 6 mujorin e parë dhe tërheqjen e investimeve të huaja.” – është shprehur Totaj në prezantimin e tij të programit për ekonominë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat