Komuna e Obiliqit diskuton Planin e Integritetit, synohet forcimi i transparencës

Kosova

Komuna e Obiliqit diskuton Planin e Integritetit, synohet forcimi i transparencës

Nga: A.M. Më: 19 nëntor 2026 Në ora: 18:59
Diskutimi publik për Planin e Integritetit në Komunën e Obiliqit.

Në Komunën e Obiliqit është mbajtur diskutimi publik për Planin e Integritetit, dokument që synon forcimin e transparencës, llogaridhënies dhe integritetit institucional në administratën komunale.

Diskutimi u udhëhoq nga Behar Gashi, kryetar i Komisionit për Hartimin e Planit të Integritetit, ku u trajtuan çështje që ndërlidhen me identifikimin dhe parandalimin e rreziqeve të korrupsionit, përmirësimin e mekanizmave të kontrollit të brendshëm, si dhe avancimin e standardeve të etikës profesionale.

Plani i Integritetit synon të kontribuojë në rritjen e efikasitetit të administratës komunale, forcimin e besimit të qytetarëve në institucionet lokale dhe promovimin e qeverisjes së përgjegjshme.

Komuna e Obiliqit ka bërë të ditur se mbetet e përkushtuar në promovimin e transparencës dhe integritetit institucional, si dhe në ofrimin e shërbimeve cilësore për qytetarët.

Sot mund të lexoni Shfletoni kopertinat