Diplomacia evropiane: Hapni sa më shpejt negociatat me Tiranën dhe Shkupin

Maqedonia

Diplomacia evropiane: Hapni sa më shpejt negociatat me Tiranën dhe Shkupin

Më: 11 maj 2021 Në ora: 09:01
Foto ilustrim

Diplomacia evropiane kërkon nga vendet anëtare të BE-së që të japin dritën jeshile për hapjen e negociatave për Shqipërinë dhe Maqedoninë e Veriut, pra zhvillimin e konferencës së parë ndërqeveritare.

Letra mban datën 5 Maj dhe u kërkohet vendeve anëtare që negociatat të fillojnë sa më shpejt, pasi do të ishin një nxitje për reformat në dy vendet e Ballkanit.

“Është thelbësore që negociatat e pranimit të fillojnë sa më shpejt të jetë e mundur” thuhet ndër të tjera në dokument. Në dokument evidentohen reformat e arritura dhe pritshmëritë nga Shkupi dhe Tirana.

Komisioneri për Zgjerimin Oliver Varhelyi ritheksoi frymën pozitive pas takimit të sotëm në Këshillin e Punëve të Jashtme. “Në Këshillin e Punëve të Jashtme për Komisionin Evropian sot ishte një diskutim i mirë për Ballkanin Perëndimor, duke konfirmuar se perspektiva e rajonit në BE është e padiskutueshme dhe angazhimi për të rritur më tej angazhimin.

Nevoja për të filluar bisedimet e pranimit me Shqipërinë dhe Maqedoninë e Veriut dhe vazhdimin e dialogut Beograd-Prishtinë“, shkruan komisioneri për zgjerimin. Pak ditë më parë Oliver Varhelyi vizitoi Shkupin dhe Tiranën ku shprehu edhe njëherë mbështetjen e BE-së.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat