Kovaçevski për kontestin me Bullgarinë: Kemi qëndrime të qarta si kristali

Maqedonia

Kovaçevski për kontestin me Bullgarinë: Kemi qëndrime të qarta si kristali

Më: 17 janar 2022 Në ora: 15:52
Dimitar Kovaçevski

“Historia duhet t’u takojë historianëve dhe jo politikanëve dhe qëndrimet tona janë të qarta si kristali – për identitetin dhe gjuhën maqedonase nuk negociojmë me Bullgarinë”.

Kështu kryeministri i ri i Maqedonisë së Veriut, Dimitar Kovaçevski ka shprehu haptazi se është në një vijë me ish kryeministrin Zoran Zaev sa i takon çështjeve historike – pengesë me Bullgarinë.

“Pozicioni ynë është i qartë si kristali se ne jemi Republika e Maqedonisë së Veriut ku qytetarët flasin maqedonisht dhe të cilët kemi identitin tonë. Sa i takon të drejtave të pakicave (bullgarëve), ne i respektojmë të gjitha përkatësisë dhe të gjitha organizatat të cilat janë të rregulluara në nivel ndërkombëtar, përfshirë këto edhe Kombet e Bashkuara dhe të drejtat e pakicave. Ne jemi shtet që gjithashtu ka deklaruar se sa i takon shteteve fqinje, nuk do të përzihet në çështjet e tyre të brendshme”, tha Kovaçevski.

Kjo deklaratë vjen pasi nesër në Shkup do të realizojë vizitë kryeministri bullgar, Kirill Petkov.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat