Skiatorja e mirënjohur, zvicerania Lara Gut – Behrami, triumfon në disiplinën e supersllallomit të madh, që u mbajt në Qendrën e Skive në St. Anton të Austris. Lara është bashkëshortja e futbollistit të mirënjohur Valon Behramit.
Ajo bëri paraqitje fantastike duke e zënë vendin e parë me kohë të kaluar për 1:17,82 minuta.
Gut-Behrami ishte më e shpejt për 16 qindtat se Marta Bassino e Italisë dhe për 20 qindtat se bashkëkombësja e saj Corinne Sutter.
Gut-Behrami shënon fitoren e parë në edicionin e sivjetshëm. Në renditjen e përgjithshme të Kupës së Botës, Vlhova udhëheq me 649 pikë, pasojnë Gisin 530, Bassino 423, Goggia 402 pikë etj.
Në disiplinën e supersllallomit të madh, Gut-Behtami kryeson me 145 pikë, e ndjekur nga Ledecka e Suter me nga 140 pikë etj.
Renditja
1. Lara Gut Behrami (Zvicra) 1:17,82
2. Marta Bassino (Italia) +0,16
3. Corinne Suter (Zvicra) +0,20
4. Tamara Tippler (Austria) +0,45
5. Federica Brignone (Italia) +0,72
6. Ester Ledecka (Çekia) +1,33
7. Ariane Rädler (Austria) +1,37
8. Michelle Gisin (Zvicra) +1,48
9. Wendy Holdener (Zvicra) +1,67
9. Stephanie Venier (Austria) +1,67