Skiatorja Lara Gut-Behrami e kishte planifikuar që t'i jepte fund karrierës së saj pas sezonit të kaluar.
Pas dëmtimit të saj të rëndë, ajo i mbajti sekret planet e saja për të ardhshme. Tani ajo është nominuar për ekipin kombëtar të Zvicrës për sezonin e ardhshëm.
“A do të vazhdojë Lara Gut-Behrami edhe për një vit tjetër?
Pas dëmtimit të saj të rëndë mendohej se ishte sezoni i saj i lamtumirës, e cila nuk pranoi të komentonte për të ardhmen e saj në skijimin profesional.
Tani ajo është nominuar nga Swiss-Ski për ekipin kombëtar për sezonin 2026/27”, shkruan mes të tjera media zvicerane “Blick".
Përkrah Gut-Behramit, janë në ekipin më të mirë zviceran të skijimit për femra: Malorie Blanc, Wendy Holdener, Mélanie Meillard, Camille Rast dhe Corinne Suter. Jasmine Flury nuk është më pjesë e skuadrës.
Ekipi kombëtar i meshkujve përbëhet nga Luca Aerni, Gino Caviezel, Loïc Meillard, Alexis Monney, Tanguy Nef, Marco Odermatt, Stefan Rogentin, Thomas Tumler dhe Franjo von Allmen.