Shqipëria shkruan historinë në Kupën e Botës, vendin e parë

Skijim

Shqipëria shkruan historinë në Kupën e Botës, vendin e parë

Nga: K. G. Më: 21 nëntor 2026 Në ora: 14:36 Përditësuar në ora: 16:00 më 21.11.2026
Lara Colturi feston një fitore historike për Shqipërinë!

Lara Colturi pas fitores historike: Tani skijimi alpin po bëhet gjithnjë e më i famshëm në Shqipëri 

Lara Colturi ka arritur suksesin më të madh të karrierës, duke triumfuar në garën e sllallomit në kuadër të Kupës së Botës në Gurgl të Austrisë.

Skiatorja 20-vjeçare, e cila përfaqëson Shqipërinë, siguroi fitoren e parë në karrierën e saj në Kupën e Botës, duke i dhuruar njëkohësisht Shqipërisë triumfin e parë historik në këtë nivel të skijimit.

Colturi e përfundoi garën me kohën e përgjithshme prej 1 minutë e 45.47 sekonda, duke lënë pas suedezen Sara Hector, e cila u rendit e dyta me 0.27 sekonda më shumë.

Pas triumfit historik, Colturi nuk e fshehu gëzimin, duke theksuar se suksesi i saj po ndihmon edhe në popullarizimin e skijimit në Shqipëri.

"Jam jashtëzakonisht e lumtur. Tani skijimi alpin po bëhet gjithnjë e më i famshëm në Shqipëri falë meje. Kjo është e çmendur. Gjithnjë e më shumë njerëz po e ndjekin, ndonëse nuk është një pjesë e madhe e kulturës së tyre. Prandaj, kjo është një arritje e madhe", deklaroi Colturi për “Reuters”.

Skiatorja e Shqipërisë në krye të renditjes së përgjithshme të Kupës së Botës

Lara Colturi ka shkruar historinë e sportit shqiptar, duke i dhuruar Shqipërisë fitoren e parë në historinë e Kupës së Botës në skijimin alpin.

Skiatorja 20-vjeçare triumfoi në disiplinën e sllallomit në Gurgl të Austrisë, më 21 nëntor 2026, në një datë që do të mbahet mend gjatë në historinë e sportit shqiptar.

Por suksesi i Colturit nuk përfundon vetëm me këtë fitore historike. Falë pikëve të fituara në këtë garë, ajo ka marrë edhe kryesimin e renditjes së përgjithshme të Kupës së Botës.

Colturi tashmë ka grumbulluar 260 pikë, duke krijuar një epërsi prej 68 pikësh ndaj gjermanes Emma Aicher, e cila renditet në vendin e dytë me 192 pikë.

Renditja e përgjithshme

1. Lara Colturi (Shqipëria) 260 pikë
2. Emma Aicher (Gjermania) 192
3. Sara Hector (Suedia) 150
4. Paula Moltzan (SHBA) 120
5. Zrinka Ljutiç (Kroacia) 110
6. Camille Rast (Suedia) 109
7. Anna Sëenn-Larsson (Suedia) 105
8. A.J. Hurt (SHBA) 86
9. Marion Chevrier (Franca) 64
10. Hanna Aronsson Elfman (Suedia) 61

Media sllovene: Skiatorja e Shqipërisë arriti të bëjë hapin vendimtar drejt fitores historike

Lara Colturi, 20-vjeçarja me origjinë italiane që nga viti 2022 garon nën flamurin e Shqipërisë, ka fituar garën e parë në karrierën e saj në Kupën e Botës, pas gjashtë përfundimeve në vendin e dytë.

“Edhe në këtë sezon, Colturi ishte renditur e dyta në dy garat e para, në sllallomin e madh në Solden dhe në sllallom në Levi. Por në Gurgl të Austrisë, ajo arriti të bëjë hapin vendimtar drejt fitores historike.

Në këtë garë, vajza e ish-kampiones olimpike në supersllallom të madh, Daniela Ceccarelli, e përfundoi lëshimin e parë në vendin e dytë.

Në lëshimin final, fillimisht arriti t'i rezistonte sulmit të suedezes Sara Hector, përpara se të vendoste një kohë që Anna Swenn-Larsson nuk arriti ta përmirësonte”, shkruan media sllovene “Sport”.

Shqipëria shkruan historinë në Kupën e Botës, vendin e parë

Lara Colturi i dhuron Shqipërisë fitoren e parë në historinë e skijimit alpin!

Shqipëria ka shkruar historinë në skijimin alpin falë Lara Colturit, e cila ka triumfuar në sllallomin e zhvilluar në Gurgl të Austrisë, duke regjistruar fitoren e parë shqiptare në këtë sport.

Lara Colturi triumfoi me kohën e përgjithshme prej 1:45.47 minutash, duke qenë 27 të qindtat më e shpejtë se suedezja Sara Hector, e cila përfundoi në vendin e dytë.

Ndërkohë, suedezja Anna Swenn-Larsson u rendit në vendin e tretë, me një kohë 30 të qindtat më të ngadaltë se fituesja e garës.

Skiatorja që përfaqëson Shqipërinë Lara Colturi ka fituar slalomin e dytë të sezonit në Kupën e Botës, duke u ngjitur për herë të dhjetë në karrierën e saj në podium, por këtë herë në shkallën më të lartë.

Renditja në sllallom

1. Lara Colturi (Shqipëria) 1:45.47
2. Sara Hector (Suedia) +0.27
3. Anna Swenn-Larsson (Suedia) +0.30
4. A.J. Hurt    (SHBA) +0.39
5. Camille Rast (Zvicra) +0.93
5. Hanna Aronsson Elfman    (Suedia) +0.93
7. Zrinka Ljutiç (Kroacia) +1.03
8. Emma Aicher     (Gjermania) +1.05
9. Lara Della Mea (Italia) +1.06
10. Xhenifera Ģermane (Letonia)+1.11

Colturi zhvilloi një garë fantastike, duke qenë më e shpejta në të dyja lëshimet dhe duke siguruar një triumf historik për Shqipërinë.

Ky rezultat përbën një moment të rëndësishëm për sportin shqiptar, pasi Lara Colturi i sjell Shqipërisë fitoren e parë në historinë e Kupës së Botës në skijimin alpin.

Duhet theksuar se Lara Colturi e përfundoi lëshimin e parë në vendin e dytë, me vetëm 24 të qindtat e sekondës më oak se suedezja.

Duhet theksuar se Lara Colturi e përfundoi lëshimin e parë në vendin e dytë, me vetëm 24 të qindtat e sekondës më pak se Swenn Larsson.

Megjithatë, në lëshimin e dytë, Colturi zhvilloi një paraqitje fantastike, duke qenë e pandalshme drejt triumfit historik.

Sot mund të lexoni Shfletoni kopertinat