Thyen edhe rekordin e Rafas

Tenis

Thyen edhe rekordin e Rafas

Më: 8 maj 2022 Në ora: 20:34
Thyen edhe rekordin e Rafas

Carlos Alcaraz mposhti me prepotencë Alexander Zverevin në finalen e “Mutua Madrid Open”, Mastersin 1000 të katërt të sezonit, duke siguruar trofenë e katërt vetëm gjatë 2022, duke thyer edhe rekordin e Rafael Nadalin si tenisti më i ri në histori që e fiton këtë turne.

Adoleshenti spanjoll, numri i nëntë në renditjen e ATP-së, mundi gjermanin Zverev për vetëm një orë e katër minuta. Pasi triumfoi ndaj Rafa Nadalit dhe Djokovicit, spanjolli i ri e mbylli turneun duke I shkaktuar një disfatë përvëluese edhe numrit tre të botës.

Sfida nuk kishte histori. Alcaraz shfrytëzoi gabimet e kundërshtarit dhe saktësinë në përgjigjet e tij.

Në setin e parë ai theu shërbimin e Zverevit në “game”-in e gjashtë, ndërsa në të dytin e theu tri herë në shërbim rivalin, duke e mbyllur finale me rezultatin e pastër 2-0 me sete, 6-3, 6-1.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat