Swiatek në raundin e tretë

Tenis

Swiatek në raundin e tretë

Më: 27 maj 2022 Në ora: 13:09
Swiatek në raundin e tretë

Janë mbyllur ndeshjet e raundit të dytë në grand slam të Roland Garros, duke përcaktuar edhe tenistët që avancojnë më tej.

Tentisti rus Daniil Medvedev, numri 2 në botë, fitoi 3-0 (6-3, 6-4, 6-3) ndaj serbit Laslo Djere. Një biletë për më tej siguron edhe greku Stefanos Tsitsipas, numri 4 në botë. Ai mposhti 3-1 (6-3, 7-6, 6-7, 7-6) çekun Z.Kolar.

Dy tenistë të tjerë të “top-10” avancojnë në raundin e tretë, rusi Andrey Rublev (7) dhe norvegjezi Casper Ruud (8). Në raundin e tretë shkojnë edhe italiani Janick Sinner, kroati Marin Cilic, hungarezi Herbert Hurkacz e belgu David Goffin.

Te femrat, numri 1 në botë, tenistja polake Iga Swiatek, mundi 2-0 (6-0, 6-2) amerikanen Allison Riske.

Më tej avancon edhe numri 3, spanjollja Paola Padosa, që mundi 2-1 (7-5, 3-6, 6-2) serben K.Juvan. Nuk zhgënjejnë as bjellorusja Aryna Sabalenka, francezja Alize Cornet e amerikania Madison Keys.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat