Mësohen çiftet e gjysmëfinales

Tenis

Mësohen çiftet e gjysmëfinales

Më: 2 qershor 2022 Në ora: 11:08
Mësohen çiftet e gjysmëfinales

Është mbyllur faza çerekfinale e grand slam të Roland Garros, duke përcaktuar edhe tenistët më të mira që avancojnë në gjysmëfinale. Për meshkuj kemi dy emra surprizë në “Top-4”, që do të përballen mes tyre.

Kroati Marin Çiliç që mposhti numrin 7 në botë, rusin Andrej Rublev me rezultatin 3-2 (5-7, 6-3, 6-4, 3-6, 7-6) pas 4 orësh, duke dalë në gjysmëfinale. Përballë tij do të jetë norvegjezi Kasper Ruud, numri 8 në botë. Ai mundi danezin Holger Rune me 3-1 në sete (6-1, 4-6, 7-6, 6-3).

Te femrat, një biletë për në gjysmëfinale ka siguruar numri 1 në botë, polakja Iga Sviatek. Ajo mposhti 2-0 (6-3, 6-2) amerikanen Xhesika Pegula, duke qenë favoritja kryesore për këtë Grand Slam.

Përballë saj në gjysmëfinale do të jetë rusja Daria Kastakina, që mundi me 2-0 (6-4, 7-6) në çerekfinale patrioten e saj Veronika Kudermetova.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat