“Është i mërzitur, donte që lidhja e tyre të funksiononte”- Ben Affleck fotografohet pas ndarjes nga e dashura, shihni gjendjen e tij

Bota e Yjeve

“Është i mërzitur, donte që lidhja e tyre të funksiononte”- Ben Affleck fotografohet pas ndarjes nga e dashura, shihni gjendjen e tij

Më: 20 janar 2021 Në ora: 12:32
Ben Affleck dhe Ana de Armas

Ben Affleck raportohet se po e përjeton keq ndarjen nga e dashura e tij e fundit, Ana de Armas.

Aktori 48-vjeçar është fotografuar për herë të parë, që kur çifti u nda këtë javë, jashtë shtëpisë së tij në Brentwood të martën.

Fituesi i Oskar dukej më i dobët se zakonisht, i veshur me xhinse, një bluze gri dhe atlete.

Fytyra djaloshare e rrumbullakët e Ben Affleck ishte varur, kockat në faqet e tij ishin theksuar si edhe kishte rrathë të zinj në sytë e tij.

Fiziku i dobësuar i aktorit ishte i dukshëm teksa u përkul për të marrë kafen dhe një qese të vogël me ushqime që kishte porositur.

Vetëm një ditë më parë, u zbulua se aktori i Batman ishte ndarë nga 32-vjeçarja Ana de Armas pas gati një viti së bashku.

Disa burime pretendojnë se ndarja ishte miqësore, por në disa media raportohet se Ana de Armas e la Ben përmes telefonit.

Ndërsa të hënën, menjëherë pas ndarjes së çiftit, aktori u pa duke hedhur në kosh sendet e saj personale.

Një burim tha për People se 48-vjeçari është mërzitur për ndarjen dhe ai do dëshironte që marrëdhënia e tyre të funksiononte.

“Ana është e re dhe aventureske. Kur nuk është duke punuar, ajo dëshiron të udhëtojë. Gjithashtu nuk dëshiron të jetojë në Los Angeles. Ndërsa Ben ka nevojë të qëndrojë në L.A. pasi që fëmijët e tij jetojnë aty”– tregoi burimi.

Gjithashtu shtoi se dyshja e famshme jetonin jetë të ndryshme dhe nuk arritën dot ta bënin lidhjen e tyre të funksiononte.

Image
Image
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat