Ronela ka paralajmëruar rikthimin me projekte të reja muzikore.
Ronela Hajati tash e një vit nuk ka qenë aktive me projekte të reja muzikore, për shkak se nuk e ndjeu veten të gatshme të realizojë diçka të re në këtë periudhë.
Përmes një postimi të gjatë në Instagram, këngëtarja përmendi faktin se nuk ka qenë aktive as në intervista, ngase publikut i intereson më së shumti muzika.
“2020 ka qene nje nder vitet me te keqija per mua ne cdo aspekt… shume te pakta kane qene momentet kur kam qeshur”, shkruan ndër të tjera ajo.
Duke përfunduar mesazhin me fjalët “Duajeni veten dhe bëhuni të mirë”, Ronela tha se “Rron” vjen gjatë këtij viti, por nuk dha ndonjë datë të saktë.
Kujtojmë se përmes imazheve të fundit të postuara në rrjete sociale, Ronela Hajati ka vënë në pah ndryshimin e ri në dukje.