Aktorja e njohur turke i jep fund beqarisë, dalin pamjet nga dasma e saj mbresëlënëse në Ohër

Bota e Yjeve

Aktorja e njohur turke i jep fund beqarisë, dalin pamjet nga dasma e saj mbresëlënëse në Ohër

Më: 2 korrik 2022 Në ora: 10:26
Ebru Shahin dhe Cedi Osman

Aktorja e famshme turke, Ebru Shahin, i ka dhënë fund beqarisë. Ylli i telenovelave kurorëzoi dashurinë me partnerin e saj, basketbollistin e Cleveland Cavaliers, Cedi Osman ditën e djeshme. Ceremonia është mbajtur në Ohër, vendlindja e basketbollistit.

Festa u mbajt me një varkë në liqen, ku çifti me të ftuarit u argëtuan të shoqëruar me muzikë maqedonase.

Ata do të mbajnë dhe një tjetër dasmë në më 7 korrik. Shahin, e cila nisi të shoqërohej me basketbollistin verën e vitit 2020, i tha “Po” propozimit në Kapadokia.

Image
Ebru Shahin

Duke folur asokohe për propozimin për martesë, Cedi tha: “Ishte gjëja më e bukur në jetën time. Isha shumë i emocionuar dhe shumë i stresuar. Ajo është vërtet e veçantë për mua. E dija që ditën që e pashë. Unazën e kisha që vitin e kaluar dhe mora guximin dhe ia ofrova. Ngjarja më e mirë në jetën time.”

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat