Katy Perry shfaqi linjat e saj elegante me bikini, teksa u pa duke u freskuar në det dhe duke u argëtuar në plazhin e Miamit.
Këngëtarja 40-vjeçare po shijon një pushim nga turneu i saj Lifetimes Tour, pas ndarjes nga Orlando Bloom.
Megjithatë, këngëtarja e hitit Roar nuk ishte vetëm në këtë dalje, pasi e shoqëronte një grup miqsh të gëzuar që hynë në ujë bashkë me të.
Aktualisht në qendër të thashethemeve për një romancë me ish-kryeministrin kanadez Justin Trudeau, Katy ruajti buzëqeshjen në fytyrë dhe gjallërinë e saj të zakonshme.
Në një moment, ajo u pa duke ngritur duart me gëzim lart, ndërsa lundronte në ujërat e cekëta, e rrethuar nga shoqëria e saj.
Për ditën në plazh, ajo kishte zgjedhur një bikini bardhë e zi me stil bandeau, që theksonte bujarisht dekoltenë e saj.