Hailey Bieber u dha ndjekësve të saj në Instagram shumë për të shijuar, teksa postoi njëra pas tjetrës disa foto tejet joshëse në “Story” të shtunën mbrëma.
Manjatja 29-vjeçare e brendit të kujdesit për lëkurën Rhode dukej e gatshme për një dalje nate, e veshur me një kombinim elegant, tërësisht të zi, ndërsa pozonte në mënyrë sensuale përpara një dritareje me pamje nga panorama e qytetit.
Hailey kishte veshur pantallona të ngushta me dy vija saten në anë dhe një bluzë halter me teksturë të butë, e cila vinte në pah krahët e saj të tonifikuar.
Flokët e saj kafe të çelët i kishte lëshuar në onde të buta, të cilat i binin mbi fytyrë, ndërsa shikonte drejt kamerës.
Nëna e një fëmije kishte zgjedhur një grim monokromatik në nuanca kafe, që i përshtatej ngjyrës së flokëve dhe syve.
Ajo dukej e rrezatuar dhe me pamje “sun-kissed”, falë një blush-i pjeshkë-rozë dhe një lapsi buzësh në ngjyrë kafe të ngrohtë.
