Olivia Cooke u shfaq me një stil mbresëlënës dhe shumë elegant në premierën botërore të sezonit të tretë të serialit të njohur House of the Dragon, e cila u mbajt të hënën në Londër.
Aktorja 32-vjeçare tërhoqi menjëherë vëmendjen e të pranishmëve dhe fotografëve teksa ecte në tapetin e kuq të organizuar në Odeon West End, e veshur me një fustan të bardhë pa rripa në stil princeshe.
Pamja e saj ishte një nga më të komentuarat e mbrëmjes, falë dizajnit dramatik dhe elegant të veshjes, shkruan "Daily Mail", transmeton "Bota sot".
Fustani i saj në stil korseje theksonte siluetën dhe kishte detaje me kopsa në pjesën e përparme, ndërsa fundi i gjerë me shtresa të palosura i jepte një efekt madhështor dhe teatral, tipik për evente të tilla prestigjioze.
Stili i saj i flokëve ishte i thjeshtë por elegant: flokë të errët të stiluar në onde të buta që i binin lirshëm mbi supe, duke i dhënë një pamje natyrale dhe të rafinuar.
Premiera e sezonit të tretë të House of the Dragon u shndërrua në një nga eventet më të rëndësishme të mbrëmjes në Londër, duke mbledhur kastin kryesor dhe shumë emra të njohur të industrisë.
